«Коопсуз шаар» боюнча аукцион жыйынтыкталды. Үч компаниянын аты аталууда

Маалыматтык технологиялар жана байланыш мамлекеттик комитетинде «Коопсуз шаар» долбоорун ишке ашыруучу компанияны аныктоо боюнча онлайн-аукцион аяктады. Анын жыйынтыгы боюнча бири жеңүүчү деп аталышы мүмкүн болгон 3 компаниянын аты аталууда. Бул тууралуу April.kg порталынын кабарчысы билдирди. 

Алар интернет байланышын камсыздаган «Мега-Лайн» компаниясы, «Вега радиотүзүлүш концерни» ААКы жана «Кыргызтелеком» ААК.  

Конкурс онлайн-аукцион иретинде өттү. Эми акыркы чечимди тендердик комиссия кабыл алат.  

Аукциондогу баштапкы баа 2,5 млрд сом деп аныкталган. Кызматты көрсөтүүгө кайсы компания эң аз акча сунуштаса, ошол компания жеңип чыгат.