Маданият, маалымат жана туризм министринин орун басары кызматын тапшыраарын жар салды

Маданият, маалымат жана туризм министринин орун басары Айнура Темирбекова кызматтан кетип жатат. Бул тууралуу ал өзүнүн Фейсбуктагы баракчасына жазып чыкты. 

«Мен маданият, маалымат жана туризм министринин орун басары кызматын тапшыруу чечимин кабыл алдым. Иштен кетүүмдүн себеби- жаңы ыкма, идея, мүмкүнчүлүктөргө орун бошотууга убакыт келди», -деп жазат министрдин орун басары.

Айта кетсек, Айнура Темирбекова бул кызматта 2013-жылдын 28-августунан бери иштеп келген.