Россияда 4 кыргыз жараны жол кырсыгына кабылды (видео)

Москва облусундагы Мытищи шаарында 4 кыргызстандык жабыркады. Бул туурасында КР Россиядагы элчилигинен билдиришти.

Жол кырсыгы 17-августта болжол менен саат 19:30да болгон. Audi унаасын башкарып бараткан кыргызстандык М.М. рулга ээ боло албай калып, жол боюнда турган фураны сүзгөн.

Унаада айдоочудан башка дагы 3 кыргыз жараны болгон. Баары тең Мытищи шаардык клиникалык ооруканага жаткырылган.

Дарыгерлердин айтымында, 3 кыргызстандыктын абалы өтө оор. Айдоочунун абалы туруктуу, ал травматология бөлүмүнө которулду.

Россиялык ЖМКлар Audi айдоочусу кырсык маалында мас абалында болгонун жазышууда.