Санариптештирүү: Кара-Суу районундагы мектептер электрондук күндөлүк жана журнал колдоно башташты

Кара-Суу районунда 67 мектеп электрондук күндөлүк жана электрондук журналга өттү. Бул тууралуу аталган аймактагы Билим берүү бөлүмүнөн билдиришти.

Маалыматка караганда, райондогу мектептердин жарымына санариптештирүү киргизилди.

«Санариптешүү баланын билимине, сабакка кызыгуусу, жүрүм-турумун мобилдик тиркемеде көзөмөлдөп, мугалим, мектеп менен байланышы оң натыйжа бере баштады. Мында жүгүртмө,күндөлүк журнал мугалимдин кол телефону жана компюьтеринде сакталат. Ал эми электрондук күндөлүк ата -эненин уюлдук телефонуна тиркеме сыяктуу көчүрүлөт. Эгер окуучу эн жакшы же төмөн баа алса, анын себептерине дейре үйүндө олтуруп эле мугалимден сурай алат. Үй тапшырма да ата-энесинин телефонуна түшөт», — дейт Ленин атындагы орто мектебинин мугалими Насиба Жээнтаева.