Сентябрга чейин транспорт, кыймылсыз мүлк жана жер салыктарын төлөө мөөнөтү аяктайт

Сентябрга чейин транспорт, кыймылсыз мүлк жана жер салыктарын төлөө мөөнөтү аяктайт, деп эскертет Мамлекеттик салык кызматы.  

Алсак, үстүбүздөгү жылдын 1-сентябрына чейин транспорт каражаттарына салыкты, 2-сентябрга чейин – турак үй, батир (ишкердик иш үчүн пайдаланылбаган) жана жер салыгын (короо-жай жанындагы, бактуу-чарба жер участоктору) төлөө зарыл.

Салыкты өз убагында төлөбөгөн учурда 2000 сом өлчөмүндө административдик айып салынат.

Кеңири маалыматты 194 номери же www.sti.gov.kg сайты аркылуу алууга болот.