Стамбулдан жасалма паспорт менен учуп келген жаран кармалды

Өлкөгө жасалма паспорт менен кирүүгө аракет кылган кыргыз жараны кармалды. Бул тууралуу Мамлекеттик чек ара кызматынан билдиришти. 

2018-жылдын 20- сентябрында чек арачылар «Манас-аэропорт» КӨПтөн жасалма паспорт менен өлкөгө кирүүгө далалат кылган Кыргызстандын жаранын кармашкан.

Эл аралык «Манас» аэропортуна Стамбул-Бишкек 702 рейси менен учуп келген жарандарга паспорттук көзөмөл жүргүзүү учурунда чек ара кезмети жарым-жартылай жасалма паспорт, тактап айтканда паспорттогу сүрөтү алмаштырылган 1971-ж.т., Ж.И., аттуу Кыргызстандын жаранын аныкташкан.

Тиешелүү документтер толтурулгандан кийин кармалган жаран КР УКМК территориалдык бөлүгүнүн кызматкерлерине тапшырылган.