Таксиге түшүп кеткен бойдон жок. Чүйдө 42 жаштагы Сыдыкбекова Астра изделүүдө

Аламүдүн райондук Ички иштер бөлүмү 42 жаштагы Сыдыкбекова Астрага издөө жарыялайт. Ал 25-февралга караган түнү такси менен кеткен боюнча дайынсыз болууда. 

Анын жолдошу Эрлист Имеровдун милиция кызматкерлерине билдиргенине караганда,  жубайы түнкү саат 00:10 чамасында Көк-Жар айылынан такси менен Ысык-Ата районунун Сары-Жон айылына кеткен бойдон дайынсыз жоголгон. 

Белгилери: бою 155-160 см, көздөрү-чачтары кара, кырдач мурун, бетинде сепкилдери бар. 

Кийими: кара жүн жакалуу кара болонья кездемесинен тигилген курткачан, тизесинен ылдый келген кызгылт түстөгү көйнөк, кара түстөгү лакталган өтүк. Ак таштары бар алтын жасалгаларын тагынган.

Өзгөчө белгилери: оң көзүндө меңи бар, ичинде операциядан (кесарево сечение) калган тырык бар. 

Кандайдыр-бир маалымат билсеңиздер, же Бул адамды көрүп калсаңыздар Бишкек шаары, Жибек-Жолу көчөсү 68 дареги боюнча, же 0312 36 35 23, 0552 22 06 92, 0704 31 25 05, 0550 34 33 63 номери аркылуу билдирип койсоңуздар.