Террористтик иштерге катышууга шектелип, издөөдө жүргөн кыргыз жараны кармалды

Террористтик иштерге катышууга шектелип, издөөдө жүргөн кыргыз жараны кармалды. Бул тууралуу УКМКнын басма сөз кызматынан билдиришти.

Маалыматка караганда, 2019-жылдын май айынын башында УКМК тарабынан эл аралык террористтик уюмдардын катарына рекруттарды жөнөтүү каналдарына бөгөт коюу жана аныктоо максатында жүргүзүлгөн ыкчам-издөө иш-чараларынын алкагында,чет элдик өнөктөш кызматтар менен биргеликте террористтик иштерге катыштыгы бар үчүн шектелип, издөөдө жүргөн КР жараны А.Н. кармалды.

Такталгандай, А.Н. Сирия-Ирак куралдуу согуш аймагында диверсиялык-террористтик даярдыктан өтүп, эл аралык террористтик уюмдардын башчысынын тапшырмасы боюнча террористтик иш-аракеттерди аткаруу максатында даярдалган жасалма документтер менен КМШ өлкөлөрүнүн бирине чыгып кеткен.

Азыркы учурда кылмыштардын жана жоруктардын бирдиктүү реестринде катталган сотко чейинки өндүрүштүн материалдары боюнча ыкчам-тергөө иштери жүрүп жатат.

Кармалган адам  Тергөө камак жайына киргизилип,  тергөө жүрүп жатат.