Токмоктогу мушташтан бир киши каза таап, бирөө жаракат алды

Токмокто мушташ учурунда жергиликтүү кеңештин депутаты каза тапты. Бул туурасында Чүй облусунун ИИББ басма сөз кызматынан билдиришти.

Кечээ, 17-март күнү болжол менен 3:05те милициянын нөөмөт бөлүмүнө 20-25 жаштагы азиат улутундагы эркек кишинин бычакталган сөөгү табылганы тууралуу маалымат келип түшкөн. 

«Табылган кишинин өздүгүн тактадык, ал 29 жаштагы Чүй районундагы бир партиясынын мүчөсү экен. Ошол эле күнү саат 3:00дө ооруканадан чалып, бычактан жаракат алган 30 жаштагы Ш.Т., аттуу жаран түшкөнү тууралуу кабарлашты», — деп билдиришет милициядан. 

Кылмышты жасоого шектелип, 24 жаштагы С.Д, аттуу жергиликтүү тургун кармалып, убактылуу кармоочу жайга киргизилди. Алдын-ала маалыматка караганда, Токмоктун көчөлөрүнүн биринде жаш жигиттер ортосунда мушташ болуп, анын жыйынтыгында бирөө каза таап, бирөө жаракаттары менен ооруканага жаткырылган, деп маалымдайт Чүй облустук ИИББ.