Жалпы республикалык тестирлөө башталды

Бүгүн өлкөдө жалпы республикалык тестирлөө  башталды. Бул туурасында Билим берүү жана илим министрлигинин маалымат кызматынан билдиришти.

Маалымат боюнча, тестирлөө 4 күн жүрөт: 15-16-майда жана 18-19-майда. 

2018-жылкы Жалпы республикалык тестирлөөдө Акыйкатчы аппаратынан, Коррупцияга каршы ишкер кеңештен, Билим берүү жана илим кызматкерлеринин профсоюзунун борбордук комитетинен, "Элдик көзөмөл департаментинен", "7-апрель баатырлары", "Бир дүйнө Кыргызстан", "Люстрация элдик кыймылынан" өкүлдөр байкоочулук кылышат. 

Тестирлөө Билимди баалоо жана окутуу усулдары борбору тарабынан жүргүзүлөт.