Жерге түшүп калган «Ала-Тоо» аянтындагы желек кечке чейин ордуна тагылат

Борбор калаанын «Ала-Тоо» аянтында жерге түшүп калган башкы туу бүгүн кечке чейин ордуна тагылат. Бул туурасында «Тазалык» ишканасынан билдиришти.

«Азыр зымды алмаштырып жатабыз. Башкы туу эч нерсе болгон жок. Кечке чейин бүтүп калабыз», -дейт маалымат кызмат.

Белгилей кетсек, бүгүн, 2-ноябрда таңкы саат 7:45терге борбордук аянттагы желек жерге түшүп калган. Себеби, жааган кардан улам желек оорлошуп, аны кармап турган зым үзүлүп кеткен.