ЖКтин тармактык комитеттеринин төрагалыгына талапкерлер сунушталды

Жогорку Кеңештин тармактык комитеттеринин төрагалыгына “Өнүгүү” жана “Ата Мекен” фракцияларынан талапкерлер сунушталды. Бул туурасында Жогорку Кеңештин Басма сөз кызматынан билдиришти.

Бүгүн, 24-апрелде Конституциялык мыйзамдар, мамлекеттик түзүлүш, сот-укуктук маселелер жана Жогорку Кеңештин Регламенти боюнча комитетинин кезектеги жыйыны болду.

Жыйында Жогорку Кеңештин  комитеттеринин төрагаларынын кызмат орундарына талапкерлерди көрсөтүү жөнүндө “Өнүгүү-Прогресс” жана “Ата Мекен” парламенттик фракцияларынын чечимдери каралды. Өнүгүү-Прогресс” фракциясынан Бакыт Төрөбаев жана  “Ата Мекенден” Алмамбет Шыкмаматов өз  талапкерлерин тааныштырды.

Укук тартиби, кылмыштуулук менен күрөшүү жана коррупцияга каршы аракеттенүү боюнча комитетинин төрагасы кызмат ордуна депутат Тынчтык Шайназаров (“Өнүгүү-Прогресс”) жана депутат Наталья Никитенко (“Ата Мекен”) сунушталды.

Ал эми Бюджет жана финансы боюнча комитетинин төрагасы кызмат ордуна Зиядин Жамалдинов (“Өнүгүү-Прогресс”)  жана Эмил Токтошев (“Ата Мекен”) сунушталды.

Комитет мүчөлөрү сунушталган талапкерлерди Жогорку Кеңештин кароосуна сунуштоо чечимин кабыл алышты.