Америкада каза болгон кесиптешинин уулун мектепке узатуу үчүн 70 полиция кызматкери келди

Американын Индиана штатындагы Салливан шаарында 70 полиция кызматкери  каза болгон кесиптешинин уулун мектепке узатып келишти. Бул туурасында WTHI-TV 10 билдирди.

Терре-Хот шаарынын полициясында иштеген Роб Питтс 4-майда кызмат учурунда - киши өлтүрүүгө шектелген жарандын аткылоосунан каза болгон. Анын 5 жаштагы уулу Дакота бул жаман окуядан соң 10 күн сабакка барган эмес.

14-майда окууга кайтууну чечкен бала апасынан атасынын досторунун бири мектепке чейин чогуу барышын суранган.

Аял күйөөсүнүн кесиптештерине баласынын өтүнүчүн жеткирген. Эртеси баланы мектепке узатып баруу үчүн 70 полиция кызматкери келген.