Чет өлкөлөрдө 150дөн ашуун кыргыз жарандары коронавирус менен ооруп калышты

Бүгүнкү күндө чет өлкөдө жүргөн кыргызстандын жарандарынан COVID-19 илдетин жуктурган 154 учур катталды. Бул тууралуу коронавируска каршы күрөшүү боюнча Республикалык штаб кабарлады.

• Маалыматка караганда, эң көбү Орусияда чалдыккан.
• Россия – 105
• БАЭ – 7 (алардын ичинен 5 айыгып чыгарылган)
• Пакистан – 22 (бардыгы чыгарылган)
• Индия – 7 (1 каза тапкан, 6 чыгарылган)
• Испания – 1 (чыгарылган)
• Малайзия – 3 (чыгарылган)
• АКШ – 1 (чыгарылган)
• Өзбекстан – 1
• Греция - 1 (чыгарылган)
• Казакстан – 5 (4 - Бишкекте, 1 – Алматыда дарыланууда)
• Италия – 1

Жалпысынан Кыргызстанда COVID-19 вирусун жуктуруунун 1350 учуру катталды. Ичинен 949 киши айыгып, ооруканадан чыгарылышкан. Ал эми ооруканаларда 387 бейтап жатышат. 4 жаран кайра жандандыруу бөлүмүндө. Илдеттен 14 киши көз жумган.