Циндао шаарындагы ШКУ саммитинин жыйынтыктары

Кытайдын Циндао шаарында өткөн Шанхай Кызматташтык уюмунун саммитинде негизги көңүл аймактагы коопсуздукка багытталды. Иш-чарада кабыл алынган чечимдер Циндао декларациясы менен бекитилди. Мындан сырткары терроризм, экстремизм, нарко-кылмыш, транс чекаралык уюшкан кылмыштуу топторго каршы туруу маселелерин эске алганда, жалпысынан 20га жакын документ кабыл алынды. Алардын ичинде экономика, туризм, коммуникация жаатында кызматташуу демилгелери да бар. Шанхай сегиздигинин кезектеги 19-чу жыйыны 2019-жылы Кыргызстандын борбору Бишкекте өтөт.