Кыргыз Мамлекеттик циркинин башкы директору кызматынан бошотулду

Кыргыз Мамлекеттик циркинин башкы директору Курмангазы Исанаев ээлеген кызматынан бошотулду. Бул туурасында Маданият, маалымат жана туризм министрлигинин басма -сөз кызматы билдирди.

Тиешелүү буйрукка Маданият, маалымат жана туризм министри Азамат Жаманкулов кол койду.

Исанаев Курмангазы Жусупказиевич башкы директор кызматына 2004- жылы 6- октябрда Кыргыз Республикасынын ошол кездеги Премьер- министри тарабынан дайындалган.

Ал эми, Кыргыз Республикасынын Өкмөтүнүн 2013 –жылдын 3- майындагы № 236 токтому менен бекитилген жобого ылайык, маданият министри өз номенклатурасына кирген ведомстволук мекемелердин жетекчилерин кызматка дайындайт жана бошотот.