Өзгөндө кышкы салатка уулангандардын саны 17ге жетти

14 -мартка карата кышкы салатка уулангандардын саны 17ге жетти, алардын алтоо - жаш балдар.

Кечээ 5 бала Ош шаардык клиникалык ооруканасына учак менен жеткирилген. Үч баланын абалы оор деп бааланууда. Экөөсүнүн абалы орточо оордукта жана туруктуу. 

Өзгөндүн аймактык ооруканасында 12 жабырлануучу жатат, алардын бири -реанимацияда, абалы оор, бирок туруктуу.  Калган 11 адамдын абалы канааттандыраарлык.