Коронавирус илдетинен эки адам көз жумду

Өткөн сутканын ичинде эки адам COVID-19 оорусунан каза тапты. Бул тууралуу коронавирус илдетине каршы туруу боюнча республикалык штаб билдирди.

“55 жаштагы эркек киши Республикалык клиникалык инфекциялык ооруканасында жана 84 жаштагы аял киши Нарын облусунда”, - деп айтылат маалыматта.

Белгилей кетсек, Кыргызстанда жалпысынан оорудан 14 адам көз жумду.

Бүгүн, 15-майга карата республика боюнча СOVID-19 инфекциясынын жаңы 29 учуру катталды.

• Бишкек ш. – 6
• Чуй облусу - 4
• Ош ш. - 4
• Ош облусу - 1
• Жалал-Абад облусу - 2
• Нарын облусу - 11
• Ысык-Көл облусу – 1

Бүгүнкү күндө республика боюнча коронавирус илдетине чалдыккандардын жалпы саны 1111 киши болду.