Жактоочу Замир Жоошев Аскер прокуратурасына сурак берет

Азыркы тапта Сапар Исаковдун иши боюнча жактоочулук кызматын аткарган Замир Жоошев Аскер прокуратурасына суракка чакырылды. Бул тууралуу өзү FaceBook – социалдык баракчасына жазып чыкты.

Маалыматка караганда, чакыруу баракчасы бүгүн, 13-декабрда саат 15:00 келген. Бирок бул чакыруу каты түшүнүксүз толтурулганын айтып, андагы каталарды санап берген.

1. Мени ким катары чакырышканын көрсөтүшкөн эмес;
2. Мен кайсы тергөөчүгө барышым керектигин жазышкан эмес;
3. Мен жактоочу менен келүү укугум тууралуу айтышкан эмес;
4. Барбай койсом, кесепети кандай болоорун жазылган эмес;
5. Келбей калсам, анын себептерин чалып же жаза турчу телефон номуру жана электрондук почтасынын дареги көрсөтүлгөн эмес;
6. Мени кандай маселе боюнча чакырышканын дагы жазышкан эмес?

Мындан улам өзүнүн алдын ала пландап койгон иш-чаралары болгондугу үчүн Замир Жоошев Аскер прокуратурасына бара албастыгын кошумчалаган.