ЖАМК: СИЗО-1 мекемесинин кызматкеринен алынган анализ таза чыкты
![ЖАМК: СИЗО-1 мекемесинин кызматкеринен алынган анализ таза чыкты](/uploads/images/articles/20200507_5.jpg)
Жазаларды аткаруу мамлекеттик кызматынын басма сөз кызматынын бүгүн, 7-майдагы маалыматы боюнча, 4-майда СИЗО-1 мекемесинин кызматкери коронавируска шектелип, анализ тапшырган.
“Анализдин жыйынтыгы таза чыкты. Бардык үй-бүлө мүчөлөрү жана СИЗО-1 мекемесинин кызматкерлери текшерилип, эч кимден коронавирус аныкталган жок. Учурда аталган кызматкер медицина кызматкерлеринин көзөмөлүндө”, -деп айтылат маалыматта.
Мындан тышкары бүгүн, 7-майда №47 абагынын кызматкерлеринен анализ алынууда.
Жалпысынан Кыргызстанда COVID-19 вирусун 895 киши жуктуруп алган. Ичинен 637 бейтап сакайып, үйлөрүнө чыгарылса, 12 жаран илдеттен көз жумду.
Учурда бейтапканада 246 адам даарыланып жатат. Ичинен 4 киши кайра жандандыруу бөлүмүндө.
COVID-19 диагнозуна чалдыккан медицина кызматкерлеринин саны 224 кишиге жетти.
Коронавирус коркунучунан улам 25-марттан 15-апрелге чейин Бишкек, Ош жана Жалал-Абад шаарларынын, Ош облусунун Ноокат, Кара-Суу райондорунун, Жалал-Абад облусунун Сузак районунун аймактарына өзгөчө абал киргизилген.
14-апрелде өзгөчө абалдын мөөнөтү 30-апрелге чейин узартылып, жогорудагы аймактардын катарына Нарын шаары жана Нарын облусунун Ат-Башы району да кошулду. Мындай жарлыкты президент чыгарып, Жогорку Кеңеш колдоп берген. Апрель айынын соңунда өзгөчө абал режими май айынын 10на чейин узартылган.
![Алмазбек Атамбаев кайрылуу жасап, кыргызстандыктарды КР эгемдүүлүгүнүн 30 жылдыгы менен куттуктады](/uploads/images/articles/20210830_20210830_10414458_794648083915.jpg)
Алмазбек Атамбаев кайрылуу жасап, кыргызстандыктарды КР эгемдүүлүгүнүн 30 жылдыгы менен куттуктады
Популярдуу
Маанилүү
Выбранная дата: