Айрым эл өкүлдөрү Дүйнөлүк көчмөндөр оюнун өткөрүүгө каршы

ЖК депутаты  Умбеталы Кыдыралиев  бюджеттин акчасы Дүйнөлүк көчмөндөр оюндарына коротулуп жатканына нааразы. Бул тууралуу эл өкүлү бүгүн «Республика — Ата Журт» фракциясынын отурумунда билдирди.

Депутат Көчмөндөр оюндарына коротула турган акча «Капиталдык салымдар» статьясына каралганын билдирди.  

«Мына ошон үчүн курулуп бүтпөй жаткан объектилердин саны өсүүдө», — деди Кыдыралиев.

Буга Финансы министрлигинин башчысы  Адылбек Касымалиев макул болгон жок. Ал социалдык объектилер үчүн да бюджеттен акча бөлүнүп жатканын билдирди.  

Министрдин маалыматына караганда, 2018-жылы өкмөт биринчи кезекте курулушу туруп калган объектилердин курулушун бүткөрүү үчүн каражат бөлүү  ниетинде.