Кыргызстан Түштүк Кореядан гуманитардык жардам алды

Кыргызстан Түштүк Кореядан гуманитардык жардам алды. Бул тууралуу саламаттык сактоо министринин орун басары Нурболот Үсөнбаев брифингде билдирди.

Анын айтымында, саламаттык сактоо министрлиги ПЦР-тесттерди жана ошондой эле лабораториялык жабдууларды алды.  Ысык-Көл облусундагы лабораторияны жабдуу пландалууда.

«Баардык аймактарда зарылчылык жаралган учурда вирусологиялык изилдөө жүргүзүп жана скрининг жасаганга болот», — деди Нурболот Үсөнбаев.

Буга чейин, Кореянын өкмөтү Кыргызстанга коронавирус менен күрөшүүгө 300миң $ бөлгөнү кабарланган. Мындан сырткары Кыргызстандын Кореядагы элчилигинин жардамы менен 28миң $ өлчөмүндөгү гуманитардык жардам тартылды.