Президенттин кол тийбестиги боюнча мыйзам биринчи окууда жактырылды

Экс-президенттерди кол тийбестиктен ажырата турган мыйзам долбоору кечээ Жогорку Кенеште каралды. Күтүлгөндөй эле, добуш берүүгө катышкан 100 депутат макул, 2 каршы деген пикирин билдиришти.

Авторлордун бири Курманкул Зулушевдин айтымында, мыйзам мурдагы президенттерге жана келечекте "экс-ажо" макамына ээ боло тургандарга бирдей иштеши керек. Мыйзам долбоору кийинки баскычтарда да колдоо таап, күчүнө кирсе, кызматтан кеткен президентти кылмыш жообуна тартууга мүмкүнчүлүк ачылат.